Best in the World!
Dadlı yemək reseptləri bloqu

Kartoflu Badımcan Yeməyi

Westgold

Kartoflu Badõmcan Yem?yi

Asan və olduqca ləzzətli tərəvəz yeməyi. İstəyə görə hazır yeməyin üstünə xırda-xırda doğranmış göyərti də səpmək olar.

Kartoflu Badımcan Yeməyi

4 pay üçün

Ərzaqlar:

5  ədəd badımcan
1  ədəd iri soğan
3-4 diş sarımsaq
1 ədəd yaşıl bibər (mütləq deyil)
2-3 ədəd kartof
3 ədəd pomidor
1 çay qaşığı tomat
5 qaşıq Westgold kərə yağı
Duz, istiot
Yarım stəkan qaynar su

Hazırlama Qaydası:

Kartoflu Badõmcan Yem?yi

Badımcanların qabığını zolaqvari soyub, badımcanı iri kubiklərə doğrayın. Acısını çıxartmaq üçün duzlu suda 20 dəqiqə saxlayıb, sudan keçirin və sıxın. Soğanı, sarımsaqları və bibəri xırda-xırda doğrayın. Kartof və pomidoru iri-iri doğrayın.

Kartoflu Badımcan Yeməyi

Qazanda yağı əridin. Soğan və sarımsağı əlavə edib arada qarışdıra-qarışdıra soğan yumuşalıb qızarmağa başlayanadək bişirin. Bibər və kartofu əlavə edib bir-iki dəqiqə də bişirin. Pomidor və tomatı əlavə edib bir-iki dəqiqə bişirin. Badımcanı  əlavə edib, qarışdırın. Duz-istiot vurun.

Kartoflu Badõmcan Yem?yi

Bir iki dəqiqə sonra suyu əlavə edin, qazanın qapağını örtün və yeməyi orta hərarətdə  15-20 dəqiqə ərzində bişirin. Karktof bişibsə yemək hazırdır. Yemək bişdiyi müddət ərzində tez-tez qarışdırmayın ki, badımcan əzilməsin.

Westgold

Bir cavab yazın

8 Şərh
  1. Bu yemeyi badimcan evezi kabachokla edirem. O da lezzetli olur chox. 🙂

  2. ecebsandal deyirik biz:)

  3. mende ele bu cur hazirlayiram-tesekkurler!

  4. Feride xanim coxsagolun resepte göre. bugun hazirladim cox läziz alindi.
    tesekkurler

  5. Feride xanim resepte gore cox sag ol.Yayda bu yemeyi bisirdim Atamin cox xosuna geldi

  6. Superrrrrr

  7. hmm dadli yemeye oxsuyur.bizde bu yemeye cigirtma deyirler

  8. Zeytun yagı ıle bısırılerse dadlı olar mı yene?

Bir cavab yazın