Buraya, Long Biçə artıq yay gəlib! Keçən həftə dəhşətli isti var idi. İsti günlərdə adamın ürəyi nə istəyir? Əlbəttə ki, dondurma! Beləliklə keçən həftənin isti günlərinin birində mən dondurma düzəltdim. Soyuducuda çox yağlı qaymaq tapdım, istifadə olunmaq üçün yalvarırdı. Birdən məndə olan asan dondurma resepti yadıma düşdü. Asan. Yumurtasız. Çiyələklərlə dolu. Qaymaqlı. Hamısı birində. Beləliklə bir az dondurma düzəltdim. Əla alındı. Bu da resept. Ərzaq siyahısının nə qədər qısa olduğunu görəndə şok olacaqsınız. Şokedici nəticəyə də hazır olun. Əlbəttə ki, yaxşı mənada. Nuş olsun!
Dondurma üçün təptəzə çiyələkdən istifad etdim. Yarısını pure halına saldım, qalanını da xırda-xırda doğradım.
Şəkildə çiyələklərin pure halına salınmış hissəsini görürsünüz.
Balaca əlvan çiyələk tikələri dondurmanın açıq çəhrayı rəngi ilə təzad təşkil edir. Gözəl görünür. Sizə də elə gəlir?
Asan Çiyələkli Dondurması
Təqribən 6 porsiya
Ərzaqlar:
3 stəkan təzə çiyələk (orqanik olsa daha yaxşı olar)
1 stəkan şəkər tozu
2 stəkan soyuq yağlı qaymaq
2 stəkan soyuq tam yağlı süd
Hazırlanma Qaydası:
Çiyələkləri yuyun və təmizləyin. Çiyələkdən 2 stəkan götürüb blenderdə pure halına salın. Qalan çiyələkləri isə xırda-xrda doğrayın. (Əgər çiyələklər çox yetişibsə və yumşaqdırsa siz sadəcə olaraq onların hamısını ya çəngəllə, ya da kartof əzənlə əzib həm şirə, həm də kiçik yumşaq parçalar əldə edə bilərsiniz.)
İri dərin qabda çiyələk püresini şəkərlə qarışdırıb əllə çalın. Suyu ilə birlikdə doğranmış çiyələkləri, yağlı qaymağı və südü əlavə edin. Qarışdırın.
Qarışığı dondrmadüzəldəninizin buzxana qabına töküb istehsalçının verdiyi təlimata görə hərəkət edin.
Əgər dondurma maşınınız yoxdursa qarışığı qapaqlı möhkəm qaba töküb buzxanaya qoyun. Bir saatdan sonra buzxanadan çıxarıb bir neçə dəqiqə yumurtaçalanla, yaxud elektrik əl mikseri ilə kənarlarındakı buzu qırmaqla çalın. Qapağını örtüb yenidən buzxanaya qoyun. Bunu daha 2-3 dəfə təkrar edin və dondurmanı tamamilə donmaq üçün buzxanada saxlayın. Bu proses krem teksturalı dondurma əldə etməyə imkan verəcək.
Salam feride xanim reseptlerinuzi cix beyenurem tesekkurler.
Feride xanim sudu bisirib soyudub toksek olarmi.ciy sud sehhetimiz ucun zererli olmasin.
Salam Feride xanim. Maraqli resepte gore tesekkurler. Ama ciyeleyi qramnan yaza bilersiz zehmet olmazsa? Bir de sud neche qramliq stakannandi?
Təxmini deyə bilərəm ki, yarım kilo çiyələk. Süd adi servis çaşkası və yaxud adi qalın su stəkanı qədər.
Salam Feride xanim, men sizin saytin yeni ziyaretcisiyem, artig bir nece reseptinizden istifade etmishem 🙂 Her detali o qeder deqiq yazirsiz ki…
Size heyranam 🙂
Çox sağ olun:)
Feride xanim salam..Men bu sayita yeni qowulmuwam..ve sizin resseptlerinizin bezilerinden istifade etdin ela alindi….cox sag olunki yemek baresindebizem komek olursunuz….xaiw edirem mesajimi cavablandirasiniz……..))))
Cox gozel resepdi.asandi eee calicam bir gun eliyim.eger siz beyenmisinizse,demek dadli olar.mutleq eliyecem.beyendim.yazan elleriniz var olsun!
Salamlar. Bu resept əladı.Çox sağolun!
Cox Təşəkkür edirəm. Feride xanim ellerinize sagliq.
salam feride xanim hemiseki kimi yuene cox dadli reseptir
Salam men tortu qeyri adi bezemek ucun martsipanin nece hazirlandigini ve ya marketlerde hansi adla satildigini bilmek isterdim.xaiw edirem mene komek edin
Salam. Men de bu resepti hazırladım. Dogrudan da “Asan çiyelekli dondurma”nı hazırlamaq cox asan imis, hem de lezzetli)
Hərcənd donması ucun bir az vaxt lazım olur, amma gozlemeye deyer.
Feride xanım, Size tesekkur edirem!
Nuş olsun!
her sey cox dadlidir
ela alindi
Mən keçən yay başqa cür çiyələkli dondurma hazırlamışdım. 1 stəkan donmuş qatiq, 1 stəkan donmuş çiyələk və 2 xörək qaşığı bal. hamısını blenderlə əzdim və dondurucuda dondurdum. Nəticəsi əla oldu. Əgər istəsəniz nu cür də asan dondurma hazırlaya bilərsiniz.