Son vaxtlar tez-tez bişirdiyim yeməklərdən olan Yunan üsulu qabaq piroqunun reseptini bu gün sizinlə paylaşıram.
Yadımdadır, uşaqlıqda qonşumuzun həyətində qabaq yetişirdi. Görünüşü bir az xiyara oxşayırdı, amma daha uzun idi. Ona kabaçok deyirdilər, bəlli ki, Rus dilindəki adıdır. Məncə Azəricəsi qabaqdır. Amma balqabağıyıla səhf salmayın. Balqabaq da, zukini qabağı da eyni bitku qrupuna daxildirlər, amma fərqli tərəvəzdirlər.
Qabağın görünüşünü bu KEÇİDDƏ görə bilərsiniz.
Bu piroq Azərbaycanın göyərti küküsünü xatırladır, amma ondan fərqlidir. Bir növ Türk börəyini də hatırladır, amma içincə yuxa yoxdur. Qabaqlı piroq həm səhər yeməyində, həm də pratik qəlyanaltı kimi çox ləzzətli olur. Buyurun, nuş olsun.
PS: Bu resepti bloqum vasitəsilə tanış olduğum ve dost olduğum Gülərə həsr etmək istəyirəm.
YUNAN QABAQ PİROQU
Orijinal reseptin müəllifi Dina Nikolaou
Resept bəzi dəyişikliklər edilməklə bu bloqdan götürülmüşdür: Peter’s Kalofagas blog
Ərzaqlar
1/2 stəkan zeytun yağı
1 stəkan xırda doğranmış yaşıl soğan
3 qabaq (kabaçok, zukini) – təxminən 700 qram, kubiklərə doğranmış
5 iyi yumurta
1 stəkan qatıq (süzülmüş, susuz olmalıdır, turş olmamalıdır)
1 stəkan un
3 çay qaşığı qabartma tozu (baking powder)
1 stəkan ovulmuş və ya kiçik doğranmış Feta pendiri (Feta pendiri Yunan pendiridir. Supermaketlərinizde yoxdursa, her hansı növ duzlu ağ pendirdən istifadə edə bilərsiniz)
1 stəkan sürtkəcdən keçirilmiş Kasseri pendiri (Yunanıstanın kasseri pendiri Türkiyədə bilinən Kaşar pendiridir. Mozzarella pendiri ile əvəz oluna bilər)
1 stəkan xırda doğranmış şüyüd və ya cəfəri (mən cəfəri ilə daha çox bəyənirəm)
zövqə görə istiot
zövqə görə qurudulmuş qırmızı şirin bibər tozu (paprika)
üzərini bəzəmək üçün qabaq dilimləri
Uzunluğu 38 cm, genişliyi isə 25 cm olan dərin soba formasını bir az yağlayın.
Tavada zeytun yağını qızdırın. Soğan və qabağı əlavə edərək tez-tez qarışdıraraq yumuşalana qədər (amma xaşıl olmasın) və suyu çəkilənə qədər təxminən 15 dəqiqə bişirin. Bir az duzlayın. Kənara qoyun.
Sobanı 180˚C-dək qızdırın.
Dərin bir qabda yumurtaları mikserlə yaxşıca çalın. Üzərinə qatığı əlavə edib qarışdırın. Sonra isə un və qabartma tozunu əlavə edib yaxşıca qarışdırın.
Bu qarışığa pendirləri və bişmiş qabağı əlavə edib qarışdırın. Zövqə görə istiot və qırmızı bibər tozu vurun. Duzu azdırsa, bir az duz əlavə edin.
Doğranmış göyərtini də əlavə edib qarışdırın. Alınan kütləni yağlanmış formaya tökün. Üzərini qabaq dilimləriylə bəzəyin (şəkildə gördüyünüz kimi) və qırmızı bibər tozu səpin.
Sobanın orta yerində təxminən 1 saat ərzində üstü qızaranadək bişirin. Sobadan çıxartdıqdan 15 dəqiqə sonra piroqu kəsin və servis edin. Bu piroq həm isti, həm də soyuq halda süfrəyə verilə bilər.
SOBAYA QOYMAZDAN ƏVVƏL
SOBADAN ÇIXDIĞINDA
Ezizim,cox sagol. Ellerine quvvet,zehmet cekib qeyd etdiyin,o xususi diqqetin ucun cox teshekkur edirem.
Halaldir sene:)
GÜLƏR: Sən sağ ol mənə göstərdiyin dəstəyə görə:)
cox sag ol
acindan olurem bunada baxib vabse zay oldum….
cox gözəldir,yeni reseptlər gözləyirik sizdən.təşəkkürlər,çoxx sağ olun
FERIDE XANIM GOZEL EL ISLERINIZE GORE COX SAGOLUN.YASINDAN VE CINSINDEN ASLI OLMAYARAQ HER KES SIZI OXUYUR VE BEYENIR.BUNU BILIN.
mukemmellllller çok sağol
Canan, merhaba. Cok tesekkur ederim. Blogumu begendiyinize cok sevindim.
al milllet salam ozum asbazam mene gelen xanimin kefi olacaq he seyi ozum bisirerim 17 yasim var
Salam Feride xanim. menim bacim oglunun alergiyasi var, ona terkibinde yumurta olmayan sirniyyatlar yemek lazimdi. Qalmisiq bunun elinde. Usaq da sirniyyat sevendi. cemi 2 resept bilirik. Eger sizde terkibinde yumurta olmayan resept varsa zehmet olmasa yazardiniz. Biz de istifade edek. Onceden tesekkurler.
LALƏ: Gərək reseptlərimə baxım görüm nə tapıram. Belə yadıma gəlmir yumurtasız şirniyyatlar. Amma tapsam mütləq yazaram.
Feride xanim, lezgilerin bir meshhur pirogu var, ichliyi et, kartofdan ibaretdir, chox dadli olur. Eshitdiyime gore Guba, Xachmaz zonasinda meclislerde onun xususi yeri var. Reseptini itirmishem. O pirogun reseptini tapsaniz chox xahish edirem saytda yerleshdirin. Evvelceden teshekkurler.
salam Sada xanim men size axdardiginiz recept barede komek ede bilerem oxusaz eyer)
Çox maraqlıdır. Əhsən bu saytın müəllifinə və ona dəstək olanlara!!! Nə yaxşı ki, varsınız!!!
Fəridə xanım.Bu sayt çooox superdi.Hər an bu sayta girməyə hazıram
cox gozel reseptler gordim hansinan bawdayim bilmirem,bele sayt tapdiqima gore sevindim,tewekurler
boranıdan hansı şirələr hazırlamaq olar
Çox beyendim denemek isterim♥♥